İlham Əliyev ABŞ-nin daxili təhlükəsizlik nazirini qəbul edib

Prezident İlham Əliyev ABŞ-nin daxili təhlükəsizlik naziri Markveyn Mullinlə görüşüb. Tərəflər strateji tərəfdaşlıq, Azərbaycan-Ermənistan sülh prosesi və TRIPP layihəsini müzakirə ediblər.

21

Azərbaycan Prezidenti İlham Əliyev noyabrın 22-də ABŞ-nin daxili təhlükəsizlik naziri Markveyn Mullini qəbul edib. Görüşdə Azərbaycan-ABŞ strateji tərəfdaşlığı, regional sülh prosesi və TRIPP nəqliyyat dəhlizinin perspektivləri müzakirə olunub.

MSNews.az xəbər verir ki, təqdim olunan görüş məlumatına əsasən, dövlət başçısı Mullinin bu ilin yanvarında ABŞ senatoru kimi Azərbaycana səfərini xatırladıb və onu yeni vəzifəsi münasibətilə təbrik edib.

Prezident İlham Əliyev 2026-cı ilin Azərbaycan-ABŞ münasibətləri baxımından tarixi əhəmiyyət daşıdığını vurğulayıb. O, ABŞ-nin vitse-prezidenti Cey Di Vensin Azərbaycana səfəri zamanı Strateji Tərəfdaşlıq Xartiyasının imzalanmasının ikitərəfli əlaqələrin inkişafına mühüm töhfə verdiyini bildirib.

Dövlət başçısı münasibətlərin yüksək səviyyəyə çatmasında və regionda sülhün təmin edilməsində ABŞ Prezidenti Donald Trampın rolunu yüksək qiymətləndirib. İlham Əliyev 2025-ci ilin avqustunda keçirilən Vaşinqton Sammitindən sonra regionda yeni vəziyyətin formalaşdığını və bir ildən artıqdır sülh şəraitinin mövcud olduğunu qeyd edib.

Markveyn Mullin isə Azərbaycanla Ermənistan arasında sülh gündəliyində əldə olunan irəliləyiş münasibətilə təbriklərini çatdırıb. O, TRIPP layihəsinin reallaşmasının regional nəqliyyat bağlantılarını və iqtisadi-ticari əməkdaşlığı gücləndirəcəyini vurğulayıb.

Görüşdə həmçinin qarşılıqlı səfərlərin davam etdirilməsi və Azərbaycan-ABŞ əməkdaşlığının genişləndirilməsi imkanları ətrafında fikir mübadiləsi aparılıb.

Noyabr 2026
BE ÇA Ç CA C Ş B
 1
2345678
9101112131415
16171819202122
23242526272829
30