Noyabrın 8-də Şuşada Azərbaycan Prezidenti İlham Əliyev ilə Türkiyə Prezidenti Rəcəb Tayyib Ərdoğan arasında təkbətək görüş keçirilib.
MSNews.az xəbər verir ki, görüş Türkiyə dövlət başçısının Azərbaycana rəsmi səfəri çərçivəsində baş tutub. Görüşdə müzakirə olunan məsələlərin təfərrüatları hələ açıqlanmayıb.
Qeyd edək ki, Rəcəb Tayyib Ərdoğan noyabrın 8-də Azərbaycana rəsmi səfərə gəlib. Türkiyə liderini və xanımı Əminə Ərdoğanı Füzuli Beynəlxalq Hava Limanında Prezident İlham Əliyev və birinci xanım Mehriban Əliyeva qarşılayıblar.
Təkbətək görüşdən əvvəl Şuşada Rəcəb Tayyib Ərdoğanın rəsmi qarşılanma mərasimi keçirilib. Mərasimdə hər iki ölkənin Dövlət himnləri səsləndirilib, fəxri qarovul dəstəsi prezidentlərin qarşısından keçib.
