Misir əsilli amerikalı cərrah Adam Həmavi Nyu-Cersidə keçirilən Konqres seçkilərində böyük üstünlüklə qalib gəlib. Qəzzada könüllü həkim kimi çalışmış Həmavi ştatdan ABŞ Konqresinə seçilən ilk müsəlman olub.
Türkiyənin ev sahibliyi ilə İstanbulda səkkiz ölkənin xarici işlər nazirləri regional münaqişələri müzakirə ediblər. İran, Fələstin, Ukrayna və dəniz yollarının təhlükəsizliyi üzrə diplomatik əməkdaşlığın davam etdirilməsi razılaşdırılıb.
