Şuşa rayonunun işğaldan azad edilməsindən ötən müddətdə əsas kapitala yönəldilən investisiyaların ümumi həcmi 2,9 milyard manatı keçib. Rayonun sənaye və kənd təsərrüfatı sahələrindəki iqtisadi göstəriciləri də açıqlanıb.
MSNews.az xəbər verir ki, bu barədə Dövlət Statistika Komitəsinin 8 Noyabr – Şuşa Şəhəri Günü münasibətilə açıqladığı məlumatda bildirilib. Məlumata görə, işğaldan azad olunduqdan sonra Şuşanın əsas kapitalına ümumilikdə 2 milyard 934 milyon 975,7 min manat investisiya yönəldilib.
Təkcə 2026-cı ilin yanvar–sentyabr aylarında rayona yatırılan investisiyaların həcmi 227 milyon 208,7 min manat təşkil edib.
Dövlət Statistika Komitəsinin məlumatına əsasən, 2026-cı ilin yanvar–oktyabr aylarında Şuşada faktiki qiymətlərlə 25 milyon 185,5 min manatlıq sənaye məhsulu, iş və xidmətlər istehsal olunub.
Həmin dövrdə kənd təsərrüfatının ümumi məhsulunun dəyəri isə 7 milyon 918,3 min manata çatıb. Bunun 3 milyon 18,5 min manatı bitkiçilik, 4 milyon 899,8 min manatı isə heyvandarlıq məhsullarının payına düşüb.
Açıqlanan məlumatlar Şuşada bərpa-quruculuq işləri ilə yanaşı, sənaye və kənd təsərrüfatı fəaliyyətinin də iqtisadi göstəricilərdə əks olunduğunu göstərir.
