Sabunçu rayonunda ailədaxili münaqişə faciə ilə nəticələnib. Hadisə dekabrın 11-i axşam saatlarında yaşanıb. Məlumata görə, 2006-cı il təvəllüdlü Ayxan Vəlizadə yaşadıqları evdə atası – 1981-ci il təvəllüdlü İftixar Vəlizadə ilə mübahisə edib. Münaqişə zamanı oğul atasına kəsici alətlə xəsarət yetirib.
İftixar Vəlizadə aldığı ağır xəsarətlər səbəbilə hadisə yerində həyatını itirib. Daxili İşlər Nazirliyindən bildirilib ki, qətli törətməkdə şübhəli bilinən Ayxan Vəlizadə polis tərəfindən saxlanılıb. Faktla bağlı araşdırma davam edir.
