Rusiyalı sinxron üzgüçülər Parisdə keçirilən Avropa Su İdmanı Çempionatında komanda üzrə sərbəst proqramın qalibi olublar.
MSNews.az xəbər verir ki, komanda finalda 285,0346 xal toplayaraq birinci yeri tutub. İspaniya yığması 282,3541 xalla gümüş, İtaliya isə 256,1558 xalla bürünc medal qazanıb.
Bu barədə “Forbes” məlumat yayıb.
Qalib komandanın heyətində Maya Doroşko, Kira Çerezova, Yekaterina Kossova, Yelizaveta Minayeva, Svetlana Pavlova, Yelena Şabanova, Yelizaveta Smirnova və Olqa Tyutyunik çıxış ediblər.
Bu, Parisdəki turnirdə rusiyalı idmançıların qazandığı ilk qızıl medal olub. Yarışın ilkin mərhələsində də ən yaxşı nəticəni göstərən komanda final öncəsi proqramın çətinlik dərəcəsini artırıb və əsas rəqibi İspaniyanı təxminən 2,7 xal qabaqlayıb. “Sports.ru” yazır ki, rusiyalıların çıxışı final iştirakçıları arasında texniki baxımdan ən mürəkkəb proqram olub.
Rusiyalı idmançılar yarışda ölkə bayrağı və himni olmadan, “Neytral İdmançılar B” statusu ilə iştirak edirlər. Avropa Su İdmanı Federasiyası da rəsmi materiallarında komandanı məhz bu adla təqdim edir.
Parisdə keçirilən Avropa Su İdmanı Çempionatı iyulun 31-də başlayıb və avqustun 16-dək davam edəcək. Sinxron üzgüçülük yarışları 2024-cü il Paris Olimpiadasının da keçirildiyi Olimpiya Su İdmanı Mərkəzində təşkil olunur.
