Portuqaliya millisinin futbolçusu Rafael Leau qadın azarkeşlərlə bağlı sosial media paylaşımından sonra tənqidlə üzləşib.
MSNews.az xəbər verir ki, “Sports.ru” futbolçunun təxminən 32 min izləyicisi olan ikinci “Instagram” hesabında qadınlara ünvanlanan paylaşım etdiyini bildirib.
Leau paylaşımında “Qızlar, dünya çempionatı başa çatdı. Artıq futboldan başınız çıxırmış kimi davranmaya bilərsiniz” ifadəsini işlədib.
Paylaşım sosial şəbəkə istifadəçilərinin diqqətini çəkib və futbolçu qadınlara qarşı ayrı-seçkilik xarakterli ifadə işlətməkdə ittiham olunub. Bundan sonra Leau sözügedən paylaşımı hesabından silib. Hadisə barədə “Tribuna.com” da məlumat yayıb.
Portuqaliyalı futbolçu daha sonra yeni paylaşım edərək “Uşaqlar, bu hesabı ciddi qəbul etməyin” yazıb. Leau paylaşımının məzmununa görə birbaşa üzr istəməyib.
