Azərbaycan minifutbol millisi Slovakiyanın paytaxtı Bratislavada keçirilən Avropa çempionatında uğurlu çıxışını davam etdirir.
MSNews.az xəbər verir ki, Elşad Quliyevin baş məşqçisi olduğu komanda “F” qrupundakı ikinci oyununda İtaliya millisini 3:0 hesabı ilə məğlub edib. “Tipos Arena”da keçirilən qarşılaşmada Azərbaycan millisinin qollarını Rəvan Kərimov, Vüsal İsayev və Ruzigar İbrahimzadə vurublar.
Bu qələbədən sonra Azərbaycan millisi xallarının sayını 6-ya çatdırıb və qrup mərhələsinin başa çatmasına bir tur qalmış pley-offa vəsiqəni təmin edib.
Azərbaycan yığması turnirə də qələbə ilə başlamışdı. Komandamız ilk turda Avstriya millisini 1:0 hesabı ilə məğlub edib.
Qrupun digər oyununda Fransa Avstriyaya 3:1 hesabı ilə qalib gəlib. İki turdan sonra Azərbaycan “F” qrupunda 6 xalla liderdir. Fransa 4 xalla ikinci, İtaliya 1 xalla üçüncü, Avstriya isə xalsız sonuncu pillədə qərarlaşıb.
Reqlamentə əsasən, qruplarda ilk iki yeri tutan komandalar və ən yaxşı dörd üçüncü yer sahibi pley-off mərhələsinə yüksəlir.
Azərbaycan millisi qrup mərhələsində son oyununu mayın 30-da Fransa yığmasına qarşı keçirəcək. Bu qarşılaşma qrup liderliyinin taleyi baxımından həlledici olacaq.
