“Barselona” və “Mançester Siti”nin sabiq yarımmüdafiəçisi Yaya Ture məşqçilik karyerasında ilk dəfə əsas komandanın baş məşqçisi olub.
MSNews.az xəbər verir ki, 43 yaşlı ivuarlı mütəxəssis Bratislava “Slovan”ının baş məşqçisi təyin edilib. Klubun rəsmi məlumatına görə, tərəflər arasında 3 illik müqavilə imzalanıb.
“Reuters”in məlumatına əsasən, Ture Slovakiya çempionunda Vladimir Vayssı əvəzləyib. Vayss daha əvvəl “Slovan”u ardıcıl çempionluqlara daşıyıb və daha sonra Slovakiya millisinin baş məşqçisi olub.
Yaya Ture futbolçu karyerasında “Barselona” və “Mançester Siti”də çıxış edib. Karyerasını başa vurduqdan sonra o, “Tottenhem” akademiyasında, həmçinin Səudiyyə Ərəbistanı millisində köməkçi məşqçi kimi çalışıb.
“Slovan”un rəsmi saytına açıqlamasında Ture yeni vəzifəsindən məmnun olduğunu bildirib və komandasının dominant, hücumameyilli futbol sərgiləməsini istədiyini qeyd edib.
Slovakiya çempionu olan “Slovan” qarşıdakı mövsümdə UEFA Çempionlar Liqasının təsnifat mərhələsində mübarizə aparacaq.
