Azərbaycan Prezidenti İlham Əliyev və Rusiya Prezidenti Vladimir Putin sentyabrın 7-də telefonla danışaraq iki ölkə arasında iqtisadi-ticari və humanitar əməkdaşlığın aktual məsələlərini müzakirə ediblər.
MSNews.az xəbər verir ki, bu barədə Azərbaycan Prezidentinin rəsmi saytı məlumat yayıb.
Rəsmi açıqlamaya əsasən, telefon danışığı Vladimir Putinin İlham Əliyevə zəngi əsasında baş tutub. Dövlət başçıları Azərbaycan-Rusiya münasibətlərinin gündəliyində duran bir sıra məsələlər ətrafında fikir mübadiləsi aparıblar.
Tərəflər həmçinin ikitərəfli əlaqələrin müxtəlif səviyyələrdə intensivləşdirilməsi barədə razılığa gəliblər.
Kreml də danışıqla bağlı açıqlamasında liderlərin ticarət-iqtisadi və humanitar əməkdaşlığın aktual məsələlərini nəzərdən keçirdiklərini bildirib.
Telefon danışığında digər siyasi və ya regional məsələlərin müzakirə olunub-olunmadığı barədə rəsmi açıqlamalarda əlavə məlumat verilməyib.
