Livanın “LBC” telekanalının məlumatına görə, İsrailin Livanla aparılan danışıqlarda təqdim etdiyi təkliflər Ron Dermerin hazırladığı üç zonalı plana əsaslanır.
Məlumata əsasən, plan Livanın cənubunda sərhəddən “sarı xətt”ədək uzanan ilk zonada İsrail ordusunun uzunmüddətli mövcudluğunu, “sarı xətt”lə Litani çayı arasındakı ikinci zonada mərhələli hərbi əməliyyatları, Litani çayının şimalındakı üçüncü zonada isə təhlükəsizlik məsuliyyətinin Livan ordusuna verilməsini nəzərdə tutur.
“Reuters” və digər beynəlxalq media yazır ki, Vaşinqtonda başlayan birbaşa İsrail-Livan danışıqlarında İsrail əsasən “Hizbullah”ın tərksilahını, Livan isə ilk növbədə atəşkəsi və hərbi əməliyyatların dayandırılmasını tələb edir. İsrail müdafiə xəttində Litani çayına qədər təhlükəsizlik zonasını qorumaq ideyası da ayrıca beynəlxalq mediada qeyd olunub.
