Azərbaycan Respublikasının Prezidenti İlham Əliyev Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyanın dəvəti ilə bu ölkədə səfərdədir. Dekabrın 17-də Əbu-Dabidə dövlət başçıları arasında yüksək səviyyəli görüş keçirilib.
Görüş çərçivəsində Prezident İlham Əliyev və Şeyx Məhəmməd bin Zayed Al Nəhyan “Gələcəyin oyunları 2025” adlı illik qlobal idman turnirinin açılış mərasimində iştirak ediblər. Hər iki lider tədbirin idman və beynəlxalq əməkdaşlığın inkişafına töhfə verəcəyini vurğulayıblar.
