Ermənistanın baş naziri Nikol Paşinyan bildirib ki, ölkənin yeni Konstitusiyasının preambulasında İstiqlal Bəyannaməsinə istinadın saxlanılması Azərbaycanla münasibətlərdə gərginlik yarada bilər.
Erməni mediasının yaydığı məlumata görə, Paşinyan qeyd edib ki, belə bir istinad “Qarabağ hərəkatının davamı” kimi qəbul oluna və bu da regionda sülh prosesinə zidd nəticələr doğura bilər.
O vurğulayıb ki, Ermənistan sülh gündəliyini davam etdirmək istəyirsə, keçmiş münaqişəni hüquqi sənədlərdə davam etdirən müddəalardan uzaq durmalıdır.
Paşinyanın bu açıqlaması Ermənistanın yeni Konstitusiya islahatı və Azərbaycanla sülh danışıqları fonunda diqqət çəkir. Analitiklər bunu həm daxili siyasi balans, həm də beynəlxalq mesaj kimi dəyərləndirirlər.
