MSNews.az xəbər verir ki, iyulun 16-da Kutaisidəki “Şengeliya Arena”da keçirilən qarşılaşmada Azərbaycan təmsilçisi ilk hissədə iki qol vurub.
Oyunda hesabı 25-ci dəqiqədə Eren Aydın açıb. Amin Seydiyev 39-cu dəqiqədə fərqi iki topa çatdırıb. Qarşılaşmanın 70-ci dəqiqəsində yenidən fərqlənən Eren Aydın dublunu rəsmiləşdirib və matçın yekun nəticəsini müəyyənləşdirib — 0:3. Bu barədə “Report” məlumat yayıb.
Komandalar arasında iyulun 8-də Sumqayıtda keçirilən ilk görüş də “Zirə”nin 3:0 hesablı qələbəsi ilə başa çatmışdı. Beləliklə, Rəşad Sadıqovun rəhbərlik etdiyi komanda iki oyunun nəticəsinə görə 6:0 hesabı ilə üstün olub. “UEFA”nın statistikasına əsasən, “Zirə” turnirdə keçirdiyi ilk iki oyunda altı qol vurub və qapısından top buraxmayıb.
Azərbaycan təmsilçisi UEFA Konfrans Liqasının II təsnifat mərhələsində Estoniyanın “Paide” klubu ilə qarşılaşacaq. “UEFA”nın püşkatmasına əsasən, “Torpedo Kutaisi”–“Zirə” cütünün qalibi “Hegelmann”–“Paide” cütünün qalibi ilə üz-üzə gəlməli idi. Estoniya klubu cavab görüşündə 3:0 hesablı qələbə qazanaraq mərhələ adlayıb.
II təsnifat mərhələsinin oyunlarının iyulun 23-də və 30-da keçirilməsi nəzərdə tutulub.
