Bu gün Bakı vaxtı ilə saat 15:00-da İsveçrənin Nyon şəhərində UEFA Avropa Liqasının pley-off mərhələsinin püşkatma mərasimi keçirilib. Püşkatmanın nəticələrinə əsasən, 1/16 final mərhələsinin cütlükləri müəyyənləşib.
Səpələnməmişlər səbətində “Brann” (Norveç), “Dinamo Zaqreb” (Xorvatiya), “Ludoqorets” (Bolqarıstan), “Seltik” (Şotlandiya), “Panatinaikos” (Yunanıstan), “Fənərbağça” (Türkiyə), “Lill” (Fransa) və “PAOK” (Yunanıstan) klubları yer almışdı.
Səpələnmişlər səbətində isə “Genk” (Belçika), “Bolonya” (İtaliya), “Ştutqart” (Almaniya), “Ferentsvaroş” (Macarıstan), “Nottingem Forest” (İngiltərə), “Viktoriya Plzen” (Çexiya), “Srvena Zvezda” (Serbiya) və “Selta” (İspaniya) komandaları qərarlaşmışdı.
Püşkatmanın nəticələri belədir:
-
Ludoqorets – Ferentsvaroş
-
Panatinaikos – Viktoriya Plzen
-
Dinamo Zaqreb – Genk
-
PAOK – Selta
-
Seltik – Ştutqart
-
Fənərbağça – Nottingem Forest
-
Brann – Bolonya
-
Lill – Srvena Zvezda
1/16 final mərhələsinin ilk oyunları 19 fevral, cavab qarşılaşmaları isə 26 fevral tarixində keçiriləcək. Qaliblər növbəti 1/8 final mərhələsində püşkatma nəticəsində liqanın ilk 8-liyində qərarlaşmış komandalarla üz-üzə gələcəklər. Bu mərhələdə onları “Porto” (Portuqaliya), “Braqa” (Portuqaliya), “Midtyullend” (Danimarka), “Betis” (İspaniya), “Frayburq” (Almaniya), “Roma” (İtaliya), “Lion” (Fransa) və “Aston Villa” (İngiltərə) komandaları gözləyir.
