Tramp və Netanyahu arasında İranla bağlı hərbi addımlar fonunda fikir ayrılıqları daha açıq görünməyə başlayıb.
MSNews.az-ın “Al Jazeera”ya istinadən məlumatına görə, ABŞ Prezidenti Donald Tramp İsrailin Baş naziri Benyamin Netanyahuya xəbərdarlıq edib ki, İsrail İrana qarşı hücumları davam etdirərsə, mümkün müharibədə tək qala bilər. Nəşr yazır ki, Tramp bu fikri “Axios”a açıqlamasında səsləndirib.
Trampın sözlərinə görə, o, Netanyahuya “Bibi, ehtiyatlı ol, yoxsa çox tezliklə tək qalacaqsan” məzmununda xəbərdarlıq edib. Bu açıqlama İsrail və İran arasında aprel atəşkəsindən sonra baş verən ən ciddi eskalasiyalardan birinin ardınca verilib.
