Suriya ordusu Suriya Demokratik Qüvvələri (SDQ) ilə bağlanmış razılaşma çərçivəsində onların Fərat çayının şərqinə çəkilməsi sonrası bu gün şimal Suriya boyu bir sıra şəhər və kəndlərə nəzarəti bərpa edib.
“Reuters” nəşrinə istinadən qeyd edirik ki, SDQ komandanı Məzlum Abdi öz döyüşçülərinin sabah erkən saatlarda Fərat çayının şərqinə geri çəkiləcəyini elan edib və bu çay iki tərəf arasında yeni “sərhəd xətti” rolunu oynayır.
Günün ortalarına doğru Suriya ordusu Deyr Hafer və ətraf ərazilər, əsasən ərəb əhalisi yaşayan kəndlər üzərində tam nəzarəti təmin edib, yerli sakinlər ordunun gəlişini qeyd ediblər. Əvvəlcədən qurulmuş “humanitar dəhlizlər” vasitəsi ilə bir çox insan təhlükəsiz ərazilərə köçüb.
Razılaşmanın tam icrası və qarşılıqlı öhdəliklər barədə tərəflər arasında fikir ayrılığı qalır və bəzi SDQ bölmələrinin Tabqa yaxınlığında geri qayıdaraq müəyyən mövqeləri müdafiə etməsi ilə əlaqədar toqquşmalar yaşanıb. Suriya ordusu növbəti mərhələdə Tabqa şəhərini ələ keçirməyi hədəflədiyini bildirib.
Son məlumatlara görə, Suriya ordusu artıq Tabqa aiabazasını azad edib.
Bu irəliləyiş əvvəlki toqquşmalar və uzun müddətli danışıqların nəticəsində baş verir. ABŞ‑ın xüsusi göndərdiyi Tom Barrak Erbilə səfər edərək həm SDQ, həm də kürd liderləri ilə gərginliyi azaltmağa çalışır.
