ABŞ Prezidenti Donald Trampın təşəbbüsü ilə yaradılan “Sülh Şurası” Azərbaycanı təşkilatın təsisçi ölkələrindən biri kimi qəbul etdiyini açıqlayıb. Bu barədə qurumun “X” sosial şəbəkəsindəki rəsmi hesabında yayımlanan bəyanatda bildirilir.
Açıqlamada qeyd olunur ki, “Sülh Şurası Azərbaycanı böyüyən beynəlxalq təşkilatımızın əsasını qoyan ölkələrdən biri kimi salamlayır”.
Xatırladaq ki, 22 yanvar tarixində Davosda “Sülh Şurasının Nizamnaməsi” adlı sənədin imzalanma mərasimi keçirilib. Tədbirdə Azərbaycan Respublikasının Prezidenti İlham Əliyev də iştirak edib. Sözügedən təşəbbüs beynəlxalq müstəvidə sülhün və dialoqun təşviqi məqsədi daşıyan yeni qlobal platforma kimi qiymətləndirilir.
