Rusiyadan Ermənistana təbii qaz nəqli sentyabrın 15-dən 25-dək müvəqqəti dayandırılacaq. Buna səbəb Rusiya ərazisində yerləşən “Şimali Qafqaz–Zaqafqaziya” magistral qaz kəmərində aparılacaq planlı profilaktik və təmir işləridir.
MSNews.az xəbər verir ki, bu barədə “Qazprom Ermənistan” şirkəti məlumat yayıb. “Ermənistan İctimai Radiosu” şirkətin açıqlamasına istinadən bildirir ki, təmir müddətində ölkə daxilində istehlakçıların qazla təminatında məhdudiyyət gözlənilmir.
Şirkətin məlumatına görə, Ermənistanın qaz təchizatı bu dövrdə daxili ehtiyatlar və İrandan idxal ediləcək əlavə təbii qaz həcmləri hesabına təmin olunacaq. Buna görə ilkin məlumatdakı “yalnız daxili ehtiyatlar hesabına” ifadəsi tam dəqiq deyil.
“Reuters” də məlumatı təsdiqləyərək fasilənin Rusiyadakı qaz kəmərində aparılan planlı işlərlə bağlı olduğunu yazıb. Nəşr qeyd edir ki, Ermənistan enerji baxımından Rusiyadan yüksək dərəcədə asılıdır və ötən il ölkəyə idxal olunan təbii qazın böyük hissəsi Rusiyadan gəlib.
