Aprelin 27-də Qəbələdə Azərbaycan Respublikasının Prezidenti İlham Əliyevin adından Çex Respublikasının Baş naziri Andrey Babişin şərəfinə rəsmi lanç verilib. Tədbir Çexiya hökumət başçısının Azərbaycana rəsmi səfəri çərçivəsində təşkil olunub.
Bundan əvvəl Qəbələdə Andrey Babişin rəsmi qarşılanma mərasimi keçirilib, Azərbaycan Prezidenti İlham Əliyev və Çexiyanın Baş naziri arasında təkbətək və geniş tərkibdə görüşlər baş tutub. Həmin gün liderlərin iştirakı ilə Azərbaycan-Çexiya biznes-forumu da keçirilib.
Səfər iki ölkə arasında siyasi dialoqun gücləndirilməsi, iqtisadi əməkdaşlığın genişləndirilməsi və işgüzar əlaqələrin inkişafı baxımından əhəmiyyətli hesab olunur.
