Macarıstanda seçkidə qalib gələn “Tisza” partiyasının lideri Peter Madyar prezident Tamaş Şulyokla görüş üçün Şandor Sarayına gəlib və dövlət başçısının vəzifədən getməli olduğunu bildirib.
Madyar öz sosial media hesabında paylaşdığı postda Şulyoku “macar millətinin birliyini təcəssüm etdirməyə layiq olmayan”, “qanunçuluğun keşiyində dura bilməyən” və “mənəvi nümunə ola bilməyən” fiqur kimi xarakterizə edib.
Madyar eyni zamanda xəbərdarlıq edib ki, Şulyok könüllü getməsə, yeni parlament çoxluğu hüquqi-siyasi addımlarla onu vəzifədən uzaqlaşdırmağa çalışacaq.
