İngiltərə millisi 2026-cı il dünya çempionatının 1/4 finalında Norveçi əlavə vaxtda 2:1 hesabı ilə məğlub edərək yarımfinala yüksəlib.
MSNews.az xəbər verir ki, iyulun 11-də Mayamidə keçirilən qarşılaşmada hesabı 36-cı dəqiqədə Norveç millisinin futbolçusu Andreas Şelderup açıb. Cud Bellingem birinci hissəyə əlavə olunmuş vaxtda tarazlığı bərpa edib.
Əsas vaxt 1:1 hesabı ilə başa çatdığından oyun əlavə vaxta keçib. Bellingem 93-cü dəqiqədə Norveç qapıçısının səhvindən yararlanaraq özünün və komandasının ikinci qolunu vurub. İngiltərə qalan vaxtda üstünlüyünü qoruyaraq 2:1 hesablı qələbə qazanıb.
Norveç ikinci hissədə yenidən önə keçməyə yaxın olsa da, Torbyorn Heqqemin vurduğu qol Erlinq Holandın qayda pozuntusuna görə hesaba alınmayıb. Görüşün ilk hissəsində İngiltərənin bərabərlik qolundan əvvəl topun stadionun üzərindəki kamera kabelinə toxunub-toxunmaması da mübahisəyə səbəb olub.
İngiltərə yarımfinalda Argentina–İsveçrə qarşılaşmasının qalibi ilə üz-üzə gələcək.
