Venesuelanın müxalifət lideri və Nobel Sülh Mükafatı sahibi Maríya Korina Maçado, təhlükəsizlik səbəbləri ilə Oslodakı mükafatlandırma mərasiminə qatılmayacaq. Onun harada olduğu bilinmir və mərasimdə Maçado adına mükafatı qızı alacaq, həmçinin demokratiya mücadiləsi barədə çıxış edəcək.
Norveç Nobel Komitəsi Maçadoya mükafatı “Venesuelada demokratik hüquqları müdafiə etdiyi və ölkənin diktator rejimindən demokratiyaya ədalətli və sülh yolu ilə keçməsi üçün göstərdiyi səylərə görə” verdiyini açıqlayıb.
