Azərbaycanlı stolüstü tennisçi Nihad Məmmədov adını “Ginnesin Rekordlar Kitabı”na yazdırıb. İdmançı topu uzaq məsafədən oyuna daxil etmə üzrə dünya rekordunu yeniləməyi bacarıb.
Bildirilib ki, bu rekord indiyədək Türkiyə təmsilçisi Osman Gürcüyə məxsus idi. Əvvəlki göstərici 16,70 metr təşkil edirdi. Nihad Məmmədov isə həmin hərəkəti 17 metr məsafədən yerinə yetirərək yeni dünya rekordunun sahibi olub.
Beləliklə, Azərbaycan idmançısı stolüstü tennisdə qeyri-adi texniki bacarığı ilə beynəlxalq səviyyədə diqqət çəkməyi bacarıb.
