İtaliya Baş naziri Ciorcia Meloni bu ilin ölkə üçün çox çətin keçdiyini etiraf edərək, 2026-cı ilin daha ağır il olacağını söyləyib. Meloni bu bəyanatı Romadakı Baş Nazir ofisində işçilərlə görüşündə verib və onları Milad bayramı tətilində yaxşı dincəlməyə çağırıb, çünki qarşıda daha çox çətinliklərin gözlədiyini bildirib.
Meloni toplantıda işçilərə “Sizi sevirəm. Biz bir ailəyik və bütün il boyu mübarizə aparmışıq,” deyə müraciət edib. O əlavə edib ki, keçən il onlar üçün çox çətin keçsə də, “2026 daha da pis olacaq,” deyə vəziyyətin daha ağırlaşacağını vurğulayıb.
Baş nazir həmçinin bayram müddətində yaxşı dincəlməyin vacibliyini bildirərək, ölkəyə xidmət etməyə davam etmək üçün enerjini toplayıb daha güclü şəkildə işləmələri lazım olduğunu qeyd edib.
