İsrail ordusu atəşkəsə baxmayaraq 5 yanvar 2026-cı il tarixində Livan ərazisinə hava hücumları təşkil edib. İsrail hərbi rəsmiləri hücumların məqsədinin Hizbullah və HƏMAS-ın “hərbi infrastruktur” obyektlərini hədəf almaq olduğunu bildiriblər.
Bu hücumlar İsrailin əvvəlcədən xəbər verdiyi və atəşkəsi pozduğu bölgələrdə — Kefer Hatta, Ayn el Tinah, El-Manara və Annan kəndləri yaxınlığında həyata keçirilib. Rəsmilər yerli əhalini təhlükəsizlik səbəbi ilə ərazidən çıxmağa çağırıblar.
Livanın cənubunda İsrail dronu tərəfindən hədəflənən avtomobilin vurulması nəticəsində iki nəfər həlak olub. Bu, 2024-cü ilin noyabrında əldə olunan sülh razılaşmasının tətbiqinə ciddi zərbə kimi qiymətləndirilir. İsrail ordusu isə həmin hücumda Hizbullah üzvünü hədəf aldığını açıqlayıb.
Bu yeni hücumlar, uzun müddətdir davam edən gərginlik fonunda regionda təhlükəsizliyin daha da pisləşməsi və sülh prosesinin dalana dirənməsi ilə nəticələnə bilər. Beyrut hökuməti hücumları atəşkəs razılaşmasının kobud pozuntusu kimi qınayıb və beynəlxalq ictimaiyyəti vəziyyətə müdaxilə etməyə çağırıb.
