İranın Milli Təhlükəsizlik Ali Şurasının katibi Əli Laricani bildirib ki, ABŞ-ın İranda baş verən etirazlara müdaxiləsi bütün bölgədə xaosa səbəb olacaq.
Laricani vurğulayıb:
“Tramp anlamalıdır ki, Amerikanın bu daxili məsələyə müdaxiləsi bütün regionun sabitliyini pozmağa səbəb ola bilər.”
Bu açıqlama ABŞ Prezidenti Donald Trampın, əgər İran sülhsevər etirazçılara qarşı zor tətbiq edərsə, müdaxilə edəcəklərini bildirməsindən sonra verilib.
Qeyd edək ki, İranda hazırda ciddi iqtisadi böhran səbəbindən kütləvi etiraz aksiyaları keçirilir. Rəsmi olmayan məlumatlara görə, etirazçılar ilə təhlükəsizlik qüvvələri arasında baş verən toqquşmalarda ölən və yaralananlar var.
