İranın yüksək səviyyəli təhlükəsizlik rəsmisi bu gün açıqlayıb ki, Tehran Avropa İttifaqı ölkələrinin ordularını “terrorçu” kimi tanımağı nəzərdən keçirir. Bu bəyanat İranla bir sıra qərb dövlətləri arasında gərginliyin daha da artdığı bir dövrdə səsləndirilib.
Rəsmi Ali Laricani sosial şəbəkədə etdiyi paylaşımda bildirib ki, bu addım Avropa ölkələrinin İslam İnqilab Keşikçiləri Korpusunu (SEPAH) terror təşkilatı kimi siyahıya salmasına cavab olaraq atılacaq. İran tərəfi hesab edir ki, qərb dövlətlərinin SEPAH-ı terrorçu elan etməsi “haqsız və təxribatdır”, və ona qarşı eyni hüquqi addımlarla cavab veriləcək.
