İngiltərə millisi DÇ-2026-nın qrup mərhələsinə məhsuldar qələbə ilə başlayıb.
MSNews.az xəbər verir ki, “L” qrupunda keçirilən qarşılaşmada İngiltərə Xorvatiyanı 4:2 hesabı ilə məğlub edib.
İngiltərənin heyətində Harri Keyn dubl edib. Kapitan əvvəlcə penaltidən fərqlənib, daha sonra Deklan Raysın künc zərbəsindən ötürməsini başla qola çevirib. Xorvatiya isə Martin Baturina və Petar Musa ilə iki dəfə hesabı bərabərləşdirib.
Fasilədən sonra Tomas Tuxelin komandası üstünlüyü yenidən ələ alıb. Cud Bellingem ikinci hissənin əvvəlində İngiltərəni önə keçirib, 85-ci dəqiqədə isə Markus Reşford yekun hesabı müəyyənləşdirib.
