Prezident İlham Əliyev “Nizamnamə kapitalında dövlətə məxsus səhmlər olan bankların və bank olmayan kredit təşkilatlarının idarə edilməsində dövlətin iştirakı qaydası haqqında” 7 avqust 2009-cu il tarixli fərmanında dəyişiklik edib.
Dövlət başçısı bununla bağlı yeni fərman imzalayıb. Fərmana əsasən, Azərbaycanda dövlətə məxsus bank və bank olmayan kredit təşkilatlarının yenidən təşkili və ya ləğvi ilə bağlı qərarlar birbaşa Prezident tərəfindən veriləcək. Eyni zamanda, İqtisadiyyat Nazirliyi Maliyyə Nazirliyinin təklifi əsasında kredit təşkilatlarının nizamnaməsinin təsdiqi və nizamnamə kapitalının müəyyən edilməsi məsələlərini Prezidentlə razılaşdırmalı olacaq. Dəyişikliklər dövlətə məxsus maliyyə qurumlarının idarəetməsində mərkəzləşdirilmiş nəzarətin gücləndirilməsinə yönəlib.
