Azərbaycan Respublikasının Prezidenti İlham Əliyev yanvarın 21-də Davosda İsrail Dövlətinin Prezidenti İsxak Hersoqla görüşüb.
Görüş zamanı Hersoqun ölkəmizə səfərləri və dövlətimizin başçısı ilə əvvəlki görüşləri məmnunluqla xatırlandı. Tərəflər Azərbaycan-İsrail münasibətlərinin müxtəlif sahələrdə uğurlu inkişafını vurğulayaraq iqtisadi, ticarət, enerji və digər sahələrdə əməkdaşlığın genişləndirilməsi üçün yaxşı imkanların mövcud olduğunu qeyd etdilər. Prezidentlər əməkdaşlığın perspektivləri və qarşılıqlı maraq doğuran məsələlər ətrafında ətraflı fikir mübadiləsi aparıblar.
