Hindistanın Uttar-Pradeş ştatında toy mərasimi eyni gəlinlə evlənmək istədiyini iddia edən iki bəyin eyni anda məkana gəlməsi səbəbilə yarımçıq qalıb. Yerli media məlumatına görə, hadisə zamanı hər iki tərəf özünün rəsmi bəy olduğunu bildirib, gərginlik artdıqdan sonra kənd sakinləri və polis müdaxilə edib.
Xəbəri “The Times of India”-ya istinadən MSNews.az verir.
Məlumata əsasən, toy əvvəlcə bir bəy üçün planlaşdırılıb. Ancaq mərasim ərəfəsində qarşı tərəfdə baş verən ölüm hadisəsindən sonra gəlinin ailəsi başqa namizədlə razılaşıb. Nəticədə iki toy karvanı eyni vaxtda gəlinin evinə gəlib və vəziyyət nəzarətdən çıxıb.
Hadisə bununla da bitməyib. Gəlinin yetkinlik yaşına çatmadığı barədə məlumat daxil olduqdan sonra polis və uşaqların müdafiəsi qurumları araşdırmaya başlayıb, toy isə dayandırılıb.
