Fil Dişi Sahili Prezidenti Alassane Ouattara kabinetdə dəyişiklik edərək, əsas nazirlərin əksəriyyətini saxlayıb və qardaşı, müdafiə naziri Tene Birahima Ouattaranı yeni yaradılmış vitse‑baş nazir vəzifəsinə təyin edib.
Tene Birahima Ouattara bu vəzifəni müdafiə naziri portfeli ilə paralel olaraq icra edəcək. Bu addım gənc Ouattaranın hökumət ierarxiyasında mövqeyini yüksəldir. Eyni zamanda, əksər əsas nazirliklər dəyişmədən qalaraq, genişmiqyaslı islahatlardan çox davamlılığı nümayiş etdirir.
Kabinetdəki dəyişikliklər Prezident Ouattaranın 2025-ci ilin oktyabrında keçirilən prezident və dekabr ayında keçirilən parlament seçkilərində partiyasının qələbəsindən sonra həyata keçirilib. 84 yaşlı Ouattara, əvvəllər Beynəlxalq Valyuta Fondunun rəbərinin müavini olmuş və 2011-ci ildən ölkəyə rəhbərlik edir. Prezident bildirib ki, vəzifəsi müddətində siyasi liderlərin yeni nəsli üçün zəmin hazırlamağı planlaşdırır.
Bu dəyişikliklər, dünyada ən böyük kakao istehsalçısı olan Fil Dişi Sahilinin təxminən 15 illik davamlı iqtisadi inkişafını möhkəmləndirmək və regionun ən sürətlə inkişaf edən iqtisadiyyatlarından biri kimi mövqeyini qorumaq niyyətinə uyğun olaraq həyata keçirilir.
