Türkiyə Prezidenti Rəcəb Tayyib Ərdoğan rəsmi səfərlə səfərdə olduğu Səudiyyə Ərəbistanının paytaxtı Ər-Riyadda ölkənin vəliəhd şahzadəsi Məhəmməd bin Salman ilə görüşüb. Görüş rəsmi mərasimlə başlayıb və görüşdə tərəflər ikili əlaqələr və region məsələlərini müzakirə ediblər.
Kommunikasiya nazirliyinin məlumatına görə, görüşdə Türkiyə–Səudiyyə Ərəbistanı münasibətlərinin dərinləşdirilməsi, enerji, müdafiə sənayesi, investisiyalar, ticarət və texnologiya kimi sahələrdə əməkdaşlıq imkanları ətraflı müzakirə olunub. Sözügedən əməkdaşlığın inkişafı üçün bir sıra sahələrdə yenilikçi addımlar atmaq əzmində olduqları vurğulanıb.
Prezident Ərdoğan görüşdə həmçinin Türkiyənin Suriyada sabitliyin qorunması və yenidənqurma işlərinə dəstək verməyə davam edəcəyini, Qəzzada humanitar vəziyyətin yaxşılaşdırılması üçün səylərin artırılmasının vacibliyini bildirərək, Səudiyyə Ərəbistanı ilə bu istiqamətdə əməkdaşlığın əhəmiyyətini qeyd edib.
Görüşün yekununda iki ölkə arasında bir neçə sahədə müxtəlif əməkdaşlıq və investisiya imkanlarının dərinləşdirilməsi məqsədilə addımların atılması qərara alınıb.
Ərdoğanın bu səfəri həm də regionda qarşılıqlı strateji əlaqələrin gücləndirilməsi baxımından önəmli hesab olunur.
