İdman Arbitraj Məhkəməsi (CAS) “Turan Tovuz” peşəkar futbol klubunun UEFA Konfrans Liqası ilə bağlı müraciətinə dair qərarını açıqlayıb.
MSNews.az xəbər verir ki, CAS UEFA Apellyasiya Orqanının klub haqqında 2 iyun tarixində qəbul etdiyi qərarı qüvvədə saxlayıb. Bu barədə klubun rəsmi sosial media hesablarında məlumat verilib.
15 iyun tarixində açıqlanan qərara əsasən, klub 2026/2027 mövsümündə UEFA Konfrans Liqasında iştirak etməyəcək.
Klub açıqlamasında turnirə vəsiqəni bütün idman prinsiplərinə riayət etməklə qazandığını bildirib.
Beləliklə ölkəmizi UEFA Konfrans Liqasında “Zirə” klubu təmsil edəcək.
