Alp dağlarının yağışı Turini isladığı zaman “Avio Linee Italiane”yə aid “Fiat G212CP” təyyarəsi Torino Hava Limanına enmək üçün icazə istədi. Qüllə ilə pilot arasındakı son dialoq belə oldu:
17:03, qüllə: “Güclü yağış var, 500 metr hündürlükdə şiddətli fırtına, görüş zəifdir. Başa düşdünüz?”
Pilot: “Bəli, başa düşdüm, hər şey qaydasındadır.”
Bu, ekipaj ilə qüllə arasında son danışıq oldu. Saat 17:05-də, təyyarə 672 metr yüksəklikdəki Superqa yaxınlığındakı bazilikaya çırpıldı. Təyyarədə olan 31 nəfər – 18 futbolçu, məşqçilər, klub idarəçiləri və jurnalistlər – həlak oldu.
İtaliya üçün “ll Grande Torino”nun faciəsi dərin iz buraxdı. İkinci Dünya Müharibəsindən çıxan ölkə üçün futbol birləşdirici güc idi. 1943-cü ildən qəzanın baş verdiyi günə kimi komanda 93 matçın 83-ündə qalib gəlmiş, son 4 ildə isə çempionluğu bayram etmişdi.
Komandanın prezidenti Kommendador Novo, portuqaliyalı oyunçu Xiko Ferreyranın yubiley oyunu üçün “Benfika” ilə yoldaşlıq matçı təşkil etmişdi. Turinlilər sevimlilərini oyuna gülə-gülə yola saldı. Lakin zədələnmiş futbolçu Saura Toma qələbənin sevinci ilə iştirak edə bilmədi. Nəticədə, qəzada həyatını itirənlər 6 mayda rəsmi mərasimlə dəfn edildi. “Madama” meydanına toplanan 500 mindən artıq insan İtaliyada nə üçün ağladığını bilmirdi – “Böyük Torino”nu, futbolu, yoxsa bütün ölkəni?
Turin klubu mövsümü gənc heyətlə davam etdirdi. Rəqiblər isə centlmenlik göstərərək gənc oyunçulara şans verdi. Komandanın kiçik heyəti həmin il 5-ci çempionluğunu qazandı, amma qələbə sevincini “Toro, Toro, haydi Toro” şüarı ilə qeyd etmədilər. Təyyarənin çırpıldığı Superqa bazilikasında isə 31 nəfərin xatirəsi üçün abidə ucaldıldı.
