İspaniyanın “Barselona” klubu portuqaliyalı müdafiəçi Joao Kanselunu yenidən heyətinə qatmaq niyyətindədir. İddialara görə, klub bunu Yaxın Şərqdə artan gərginlik fonunda yaranan vəziyyətdən istifadə edərək həyata keçirmək istəyir.
Məlumata əsasən, regiondakı təhlükəsizlik riskləri səbəbilə bəzi futbolçular Səudiyyə Ərəbistanına qayıtmaq istəmir. Bu səbəbdən “Al Hilal” klubunda çıxış edən Kanselunun da transfer qiymətinin aşağı düşə biləcəyi ehtimal edilir. “Barselona” rəhbərliyi isə bu vəziyyətdən yararlanaraq futbolçunu daha münasib şərtlərlə transfer etməyi planlaşdırır.
Qeyd olunur ki, Kanselo daha əvvəl də icarə əsasında “Barselona”da çıxış edib və klub onun performansından razı qalıb. Buna görə katalonlar müdafiə xəttini gücləndirmək üçün bu transferi prioritetlərindən biri hesab edir.
