11 fevral 2026-cı il tarixində Azərbaycan Respublikasının Prezidenti İlham Əliyevin sədrliyi ilə “Azərbaycanın yeni rəqəmsal arxitekturası” adlı vahid fəaliyyət planına həsr olunmuş müşavirə keçirilib.
Tədbirdə ölkənin rəqəmsal transformasiya strategiyası, yeni texnologiyaların tətbiqi, dövlət idarəçiliyində rəqəmsal həllərin genişləndirilməsi və informasiya təhlükəsizliyinin təmin olunması məsələləri müzakirə edilib. Müşavirədə həmçinin dövlət orqanlarının vahid rəqəmsal arxitektura çərçivəsində fəaliyyətlərinin optimallaşdırılması, vətəndaşlara göstərilən xidmətlərin elektronlaşdırılması və innovativ layihələrin təşviqi istiqamətində prioritetlər müəyyənləşdirilib.
Prezident İlham Əliyev müşavirədə çıxış edərək, vahid rəqəmsal arxitekturanın tətbiqinin dövlətin idarəetmə səmərəliliyini artıracağını, innovativ həllərin ölkənin sosial-iqtisadi inkişafına töhfə verəcəyini vurğulayıb.
Müşavirədə həmçinin dövlət strukturlarının rəqəmsal bacarıqlarının artırılması və vətəndaşların xidmətlərə asan çıxış imkanlarının genişləndirilməsi məsələləri ətrafında təkliflər müzakirə olunub.
