Azərbaycanın futbol üzrə milli komandası sentyabrın 23-də Bakıda keçirilən yoldaşlıq görüşündə Tacikistan yığmasını 1:0 hesabı ilə məğlub edib.
MSNews.az xəbər verir ki, 8-ci km qəsəbə stadionunda baş tutan qarşılaşmada yeganə qol 58-ci dəqiqədə qeydə alınıb. Tacikistan millisinin qapıçısı Oleq Baklov topu öz qapısına göndərərək avtoqol müəllifi olub.
Ayxan Abbasovun rəhbərlik etdiyi Azərbaycan millisi bu nəticə ilə UEFA Millətlər Liqasının qarşıdakı oyunları öncəsi son yoldaşlıq görüşünü qələbə ilə başa vurub.
Yığmamız sentyabrın 27-də səfərdə Litva ilə qarşılaşacaq. Komanda oktyabrın 1-də Bakıda Lixtenşteyni qəbul edəcək, oktyabrın 4-də isə yenidən Litva millisi ilə üz-üzə gələcək.
