MSNews.az xəbər verir ki, iyulun 15-də Atlantada keçirilən qarşılaşmada hesabı İngiltərə açıb. Entoni Qordon 55-ci dəqiqədə fərqlənərək komandasını önə keçirib.
İngiltərə uzun müddət üstünlüyünü qorusa da, Argentina matçın son dəqiqələrində geri dönüş edib. Enso Fernandes 85-ci dəqiqədə hesabı bərabərləşdirib. Oyunun 90+2-ci dəqiqəsində isə Lionel Messinin ötürməsindən sonra Lautaro Martines başla qələbə qolunu vurub.
İngiltərə hesabda irəli çıxdıqdan sonra daha çox müdafiəyə çəkilib və təşəbbüsü rəqibə verib. Argentina təzyiqi artıraraq qarşılaşmanın sonlarında iki qol vurmağı bacarıb.
Hər iki qolun məhsuldar ötürməsini Messi verib. 39 yaşlı argentinalı kapitan bununla komandasının ardıcıl ikinci dünya çempionatı finalına yüksəlməsində əsas rol oynayıb.
Argentina iyulun 19-da Nyu-York–Nyu-Cersi stadionunda keçiriləcək finalda İspaniya ilə qarşılaşacaq. İngiltərə isə iyulun 18-də üçüncü yer uğrunda oyunda Fransa ilə üz-üzə gələcək.
