ABŞ Dövlət Katibi Marko Rubio gələn həftə Danimarka ilə Qrenlandiya ilə bağlı danışıqlar aparacağını açıqlayıb.
Rubio bunu keçirilən mətbuat toplantısında deyib. Rubioya görə, ABŞ və Danimarka arasında Qrenlandiya məsələsi ilə bağlı rəsmi görüşlər yaxın vaxtda reallaşacaq.
Rubio eyni zamanda, ABŞ-ın adaya mümkün hərbi müdaxilə edib-etməyəcəyi barədə sualı cavablandırarkən qeyd edib ki, “hərbi müdaxilə və Danimarka məsələsi ilə bağlı hazırda burada danışmaq niyyətində deyil,” və “bu mövzuları gələn həftə Danimarka ilə müzakirə edəcəklər.”
ABŞ Prezidenti Donald Trampın Qrenlandiyaya marağının yeni olmadığını vurğulayan Rubio, Trampın əvvəlki prezidentlik dönəmində də bu məsələni gündəmə gətirdiyini bildirib.
