“Azər Türk Bank” ASC-nin baş direktoru vəzifəsinə yeni təyinat olub.
Bu vəzifəyə maliyyə sahəsində uzun illər təcrübəyə malik olan İlqar Tağıyev təyin edilib.
İlqar Tağıyev 2024-cü ilin iyunundan 2026-cı ilin yanvarına qədər “PAŞA Kapital İnvestisiya Şirkəti” QSC-də Baş icraçı direktorun müavini vəzifəsində çalışıb.
1998-ci ildə bank karyerasına başlayan İ.Tağıyev indiyə qədər Asiya İnkişaf Bankı, Dünya Bankı, “Bank of Baku” ASC, “Qafaz Leasing” ASC, “Embafinans” BOKT QSC, “Yelo Bank” ASC (əvvəlki “Nikoil Bank”) kimi maliyyə təşkilatlarında fəaliyyət göstərib.
