Fransa Prezidenti Emmanuel Makron ölkəsinin Qrenlandiyanın suverenliyinə və torpaq bütövlüyünə dəstəyini bir daha vurğulayıb.
Makron sosial media hesabında paylaşdığı açıqlamada 15 yanvarda Qrenlandiyanın paytaxtı Nuuka etdiyi rəsmi səfərə aid fotonu paylaşaraq bildirib:
“Nuukda Fransa olaraq Qrenlandiya və Danimarkanın torpaq bütövlüyünə və suverenliyinə dəstəyimizi bir daha təsdiqlədik.”
Prezident Makron həmçinin qeyd edib ki, Qrenlandiyanın qrenlandiyalılara aid olduğunu və Danimarkanın bunun təminatçısı olduğunu nəzərə alaraq, Avropa ölkələri ilə birlikdə “Qrenlandiya ilə tam həmrəylik” mesajı verib.
Qeyd edək ki, ABŞ Prezidenti Donald Tramp Luiziana qubernatoru Ceff Lendrini Qrenlandiya üzrə xüsusi nümayəndə təyin etmişdi. Bu qərar, xüsusilə, Avropa İttifaqı üzvləri arasında birmənalı qarşılanmamışdı.
Danimarka Krallığı çərçivəsində Farer Adaları ilə birlikdə iki muxtar bölgədən biri olan Qrenlandiya, Danimarkaya 2 900 km məsafədə yerləşir.
