ABŞ Futbol Federasiyası milli komandanın baş məşqçisi Maurisio Poçettinonun “Mançester Yunayted”ə keçəcəyi təqdirdə onun yerinə Pep Qvardiolanı gətirməyi nəzərdən keçirir. İspaniyalı mütəxəssis federasiyanın əsas namizədlərindən biri kimi göstərilir.
MSNews.az xəbər verir ki, bu barədə noyabrın 11-də “The Athletic” nəşri məlumat yayıb. Mənbələrin sözlərinə görə, ABŞ Futbol Federasiyası Poçettinonun mümkün gedişindən sonra Qvardiola ilə əməkdaşlığa başlamaqda maraqlıdır.
55 yaşlı Qvardiola 2026-cı ilin yayında “Mançester Siti”dən ayrıldıqdan sonra məşqçilik fəaliyyətinə fasilə verib. İspaniyalı mütəxəssis daha əvvəl milli komanda çalışdırmaq ehtimalını istisna etməsə də, hazırda futbola qayıtmağa tələsmir.
Bu arada, “Mançester Yunayted” Poçettinonun təyinatı istiqamətində danışıqları davam etdirir. Klub rəhbərliyi uğursuz nəticələr fonunda Maykl Kerrikin istefasını nəzərdən keçirir.
“The Athletic”in məlumatına görə, Mançester təmsilçisi Poçettino ilə müqavilə şərtlərini razılaşdırmağa çalışır. Lakin Kerrikin istefası və argentinalı mütəxəssisin təyinatı barədə yekun qərar verilməyib.
Qeyd edək ki, Qvardiolanın ABŞ millisinə mümkün təyinatı hələlik maraq mərhələsindədir. Federasiyanın onunla rəsmi razılıq əldə etdiyi barədə məlumat yoxdur.
