Ermənistanda həbs edilən azərbaycanlı hərbçi Nəsimi Musayevin ölkənin keçmiş prezidenti Robert Köçəryanla qonşu kamerada saxlanıldığı bildirilir.
MSNews.az xəbər verir ki, bu barədə Ermənistan parlamentindəki müxalif “Ermənistan” fraksiyasının rəhbəri Anna Qriqoryan mətbuat konfransında açıqlama verib. Məlumatı “Oxu.az” yayıb.
Deputatın sözlərinə görə, Azərbaycan hərbçisi İrəvandakı “İrəvan-Kentron” istintaq təcridxanasında saxlanılır.
Qriqoryan iddia edib ki, Nəsimi Musayev üçün yaxşı şərait yaradılıb, qonşu kamerada saxlanılan Robert Köçəryan isə ağır şəraitdədir.
Müxalifət nümayəndəsi iki məhbusun saxlanma şəraitini müqayisə edərək Ermənistanın hazırkı hakimiyyətini tənqid edib.
Xatırladaq ki, Nəsimi Musayev 2026-cı ilin sentyabr ayının sonunda xidmət yerindən ayrıldıqdan sonra Ermənistan ərazisində saxlanılıb. Azərbaycan Baş Prokurorluğu onun sentyabrın 26-da xidmət yerində olmaması ilə bağlı axtarış başladıldığını açıqlayıb.
Ermənistan məhkəməsi hərbçi barəsində iki aylıq həbs qətimkan tədbiri seçib.
Qeyd edək ki, Nəsimi Musayevin Robert Köçəryanla qonşu kamerada saxlanılması barədə məlumat hələlik Ermənistanın penitensiar orqanları tərəfindən rəsmən təsdiqlənməyib.
