Alimlər drozofil milçəyinin beyin bağlantılarını rəqəmsal şəkildə modelləşdirərək onun virtual bədəni idarə etməsinə nail olublar.
MSNews.az xəbər verir ki, sistem milçəyin neyron şəbəkəsinin quruluşundan istifadə edərək hərəkət əmrləri yaradır. Nəticədə virtual milçək yeriyə, dönə və müxtəlif davranışlar göstərə bilir.
“Eon Systems” layihəni “virtual bədəni idarə edən rəqəmsal meyvə milçəyi beyni” kimi təqdim edir. Şirkətin məlumatına görə, model 139 mindən çox neyron və təxminən 50 milyon sinaptik bağlantıya əsaslanır.
Bununla belə, sosial mediada yayılan “ölmüş milçəyin real beyni fiziki robota qoşulub” iddiası dəqiq deyil. Hazırkı sistem bioloji beynin özündən deyil, onun rəqəmsal neyron modelindən istifadə edir.
