ABŞ millisi DÇ-2026-da mübarizəyə Paraqvay üzərində böyükhesablı qələbə ilə başlayıb.
MSNews.az xəbər verir ki, Los-Ancelesdə keçirilən “D” qrupunun oyununda meydan sahibləri Paraqvayı 4:1 hesabı ilə məğlub ediblər.
ABŞ yığması hesabı 7-ci dəqiqədə açıb. Kristian Pulişiçin başlatdığı hücumdan sonra Veston Makkenninin ötürməsi Paraqvay futbolçusu Damian Bobadillaya toxunaraq qapıya daxil olub.
Birinci hissədə ABŞ-ın əsas qəhrəmanı Folarin Baloqun olub. O, əvvəlcə Pulişiçin ötürməsindən sonra fərqlənib, daha sonra isə fasilə ərəfəsində sol ayaqla möhtəşəm zərbə vuraraq hesabı 3:0-a çatdırıb. FIFA Baloqunun çıxışını ABŞ-ın mundial tarixində ən parlaq fərdi performanslarından biri kimi qiymətləndirib.
Paraqvay ikinci hissədə oyunu canlandırmağa çalışıb və 73-cü dəqiqədə fərqi azaldıb. Hulio Enkisonun ötürməsindən sonra Maurisio qapını dəqiq nişan alaraq hesabı 3:1 edib.
Matçın son nöqtəsini Gio Reyna qoyub. Reyna 90+8-ci dəqiqədə fərqlənərək ABŞ-ın 4:1 hesablı qələbəsini rəsmiləşdirib.
ABŞ üçün oyunun yeganə narahatedici məqamı Kristian Pulişiçin fasilədə əvəzlənməsi olub. Baş məşqçi Maurisio Poçettino onun baldırında sərtlik hiss etdiyini, lakin ciddi problemin olmayacağına ümid etdiyini bildirib.
Bu nəticə ABŞ millisinin Dünya Kuboku tarixində ən məhsuldar oyunlarından biri kimi yadda qalıb. ABŞ mundial oyununda ilk dəfə dörd qol vurub, Baloqun isə 1930-cu ildən sonra bir Dünya Kuboku matçında dubl edən ilk ABŞ futbolçusu olub.
ABŞ növbəti oyununu iyunun 19-da Avstraliyaya qarşı keçirəcək. Paraqvay isə qrupdakı vəziyyətini düzəltmək üçün Türkiyə ilə qarşılaşacaq.
