Azərbaycan milli komandası Avstriya təlim-məşq toplanışı çərçivəsində ilk yoxlama oyununa çıxıb.
MSNews.az xəbər verir ki, Ayxan Abbasovun rəhbərlik etdiyi yığma Malta millisi ilə qarşılaşıb. Macarıstanın Sombatxey şəhərindəki “Haladaş” stadionunda keçirilən görüş rəqib komandanın 2:0 hesablı qələbəsi ilə başa çatıb.
Malta millisinin qollarını 65-ci dəqiqədə Mbonq, 86-cı dəqiqədə isə Satariano vurub. Qarşılaşmanı Macarıstandan olan baş hakim Mixali Kaprali idarə edib.
Azərbaycan millisi Avstriya toplanışı çərçivəsində növbəti və sonuncu yoxlama oyununu iyunun 9-da San Marino yığmasına qarşı keçirəcək.
