Türkiyədə yerli partiya təyinatı bu dəfə siyasi qərardan çox vizual detal səbəbilə diqqət çəkib. “Huzur Partiyası”nın Bingöl vilayətinin Karlıova rayon şöbəsinə rəhbər təyin edilən Orxan Avcı sosial şəbəkələrdə əsasən gur və fərqli üslubda bığları ilə müzakirə mövzusuna çevrilib.
“Haberler.com” nəşrinin yazdığına görə, təyinatdan sonra yayılan fotolar qısa müddətdə sosial platformalarda geniş yayılıb. İstifadəçilər siyasi qərarın özündən çox Avcının görünüşü barədə zarafat və ironik şərhlər paylaşıblar. Rəylərdə bığların klassik avtomobil radiatoruna bənzədilməsi, retro obraz yaratdığı və diqqəti tamamilə öz üzərinə çəkdiyi qeyd olunub.
Beləliklə, yerli partiya strukturu daxilində adi görünən bir kadr dəyişikliyi qısa zamanda internet fenomeninə çevrilib. Hadisə bir daha göstərib ki, sosial media dövründə siyasətdə bəzən qərarın məzmunundan çox, onun yaratdığı vizual effekt gündəmi müəyyən edir.
Son illər Türkiyədə və dünyada siyasətçilərin geyimi, saç tərzi, jestləri və xarici görünüşü tez-tez viral mövzuya çevrilir. Bu hadisə də həmin tendensiyanın yeni nümunəsi kimi qiymətləndirilir.
Avcının görünüşü barədə yazılan bəzi şərhləri təqdim edirik:
- Muhteşem bir bıyık… Parti kursun oy verelim kampanyası başlatılmalı…
- O bıyıkları en kısa zamanda sigortalattır.
- Ağzıyla kuş yakalamış.
- Adam çok huzursuz duruyor.
- Abi belediyeden ödünç mü aldın bıyığı?
- Adamın bıyığında surat çıkmış.
- Bu bıyık neyi temsil ediyor?
- Abinin bıyıklara yüz çizmişler, saçtan alıp üst dudağa koymuşlar.
- Dayı yemeği kulaklarıyla yiyor galiba…
- Aşağı tükürsem bıyık, yukarı tükürsem yine bıyık
