Ermənistan mediasında keçmiş Üçüncü Ordu Korpusunun komandanı, general-mayor Qriqori Xaçaturovun saxlanıldığı barədə məlumat yayılıb. Qeyd edək ki, o, 2025-ci ilin noyabrında axtarışa verilmişdi.
NEWS.am həmin vaxt Xaçaturovun rüşvət alma və vəzifə səlahiyyətlərindən sui-istifadə maddələri ilə axtarıldığını yazmışdı.
Xaçaturovun adı daha əvvəl də bir neçə cinayət işi kontekstində keçib. “AzadlıqRadiosunun” erməni xidməti 2025-ci ilin dekabrında onun ayrıca istintaq çərçivəsində rüşvət vermək və müharibə dövründə səlahiyyətdən sui-istifadə ittihamları ilə üzləşdiyini yazmışdı. Ondan əvvəl, 2023-cü ildə o, çirkli pulların yuyulması işi üzrə saxlanılmış, daha sonra məhkəmə prosesləri davam etmişdi.
